قصتنا وباختصار

يما..يا ام الاحرار
اليوم عرفت القصة و باختصار
يما..حكولي احتلوا بلدي
وطلعوكي وابوي من الدار
يما..حكولي قتلوا أهلي
وظلمهم وصل لسابع جار
يما..ياام الأحرار..
اليوم عرفت القصة و باختصار
عرفت ليش حرقوا شجر الزيتون
وخلوا بلدنا يعمها الدمار
يما..ياام الاحرار
اليوم عرفت سبب حزنك
وليش قلبك دوم حارقته النار
اليوم..عرفت ليش ابوي استشهد
وليش كان واحد من الثوار
يما..ياام الأحرار
اليوم ستي حكتلي القصة باختصار
حكتلي بلدنا من يومها محسودة..وعليها الأنظار
بلدنا اللي حضنت الكل..مسلمين و يهود و أنصار
وببلدنا تاريخ مريم و عيسى وابراهيم و كل الأطهار
بلدنا اللي خانها العالم..وعليها الزمن جار
انحكم عليها بالظلم ..ولا اعتراض على حكم الجبار
يما..ياام الأحرار..اليوم ستي حكتلي القصة وباختصار
حكتلي..مهما طال ظلم العدو لابد يجي يوم الانتصار
ومهما طال غروب الشمس..لابد تشرق بيوم الأنوار
يما..ياام الأحرار..اليوم عرفت القصة باختصار
وبطمنك يما..بلدنا رح تتحرر..ونرجع ديارنا بفرحة الانتصار